மனிதம் வளர்ப்போம்

2011-05-16T20:50:00.001-07:00

கண் வனப்புக் கண்ணோட்டம்;

கால் வனப்புச் செல்லாமை;

எண் வனப்பு, 'இத் துணை ஆம்' என்று உரைத்தல்;

பண் வனப்புக் கேட்டார், நன்று என்றல்;

கிளர் வேந்தன் தன் நாடு வாட்டான், நன்று என்றல் வனப்பு.

கண்ணுக்கழகு கண்ணோட்டம்,

காலுக்கழகு பிறரிடம் பிச்சை கேட்க செல்லாமை,

ஆராய்ச்சிக்கு அழகு தன்கருத்துக்களைத் யாருக்கும் பயப்படாமல் துணிந்து சொல்லுதல்,

இசைக்கு அழகு அந்த இசையை கேட்பவர் நன்று என்று கூறுதல்,

அரசனுக்கு அழகு அவனது ஆட்சியில் உள்ள குடிமக்கள் அவனைநல்லவனென்று கூறுதல்.

----- சிறுபஞ்சமூலம்

நாங்கள் தமிழர்கள்..

2011-04-25T20:50:00.000-07:00

நீங்கள் பெட்ரோல்
விலையைக் கூட்டினீர்கள்
நாங்கள் நடக்கப் பழகினோம்...!

நீங்கள் வெங்காய
விலையைக் கூட்டினீர்கள்
நாங்கள் பத்தியம் பழகினோம்...!

இப்போது,
மீனவன் உயிரின்
விலையைக் கூட்டியிருக்கிறீர்கள்
நாங்கள் சாகவும் பழகிக்கொள்வோம்!

ஏனெனில்
நாங்கள் தமிழர்கள்..!

ஓட்டு போட சொன்னா ஓட்டைய போட்ட ரஜினி !!

2011-04-18T04:51:00.000-07:00

ஓட்டு போடுவது ஒவ்வொர் இந்திய குடிமகனின் கடமை.யாருக்கு ஓட்டு போடவேண்டும் என யாரும் யாருக்கும் சொல்லித்தர தேவை இல்லை.யாரால் நாம் பாதிப்படைந்து உள்ளோம் என நமக்கு நாமே கேள்வி கேட்க வேண்டும்.யாரால் நமக்கு கொஞ்சமாவது நன்மை என உணர்ந்து வாக்களியுங்கள் இதில் ரகசியம் தேவை என்பது எல்லோரும் அறிந்த ஒன்று. இது ஒரு நல்ல குடிமகன் நான் சொல்லறது (citizen) கடமை.

கமல் ஹாசன், சூர்யா,வடிவேலு,அஜித்,ஜீவா போன்ற நடிகர்கள் வோட்டு போட்டார்கள் ஆனால் எந்த விஷமத்தையும் குழப்பத்தையும் ஏற்படுத்தவில்லைஆனால் நடிகர் ரஜினி கடந்த சில ஆண்டுகளாக ஓட்டு போடும் நேரத்தில் அவர் சூப்பர் ஸ்டார் ஆக இல்லாமல் சூப்பர் டஸ்ட் ஆக மாறிவிடுகிறார். போன முறை தேர்தலில் நான் பிஜேபி க்கு ஓட்டு போட்டேன் என்றும், இந்த முறை மீடியாக்கள் சூழ ஓட்டு போட வந்து அதிமுக வுக்கு ஓட்டு போட்டதாக ஒரு பரபரப்பை ஏற்படுத்திவிட்டு இருக்கிறார்.

தேர்தல் நாள் அன்று தனி நபர் பிரசாரம் கூட இருக்க கூடாது என்று தேர்தல் கமிசன் சட்டம் போட்டு எல்லாரையும் பயமுறுத்தியது.ஆனால் எல்லா சேனல்களிலும் ரஜினி சார் யாருக்கு ஓட்டு போட்டார்னு தெரிஞ்சிடுச்சி இப்போ தேர்தல் ஆணையம் என்ன செஞ்சிது. உலககோப்பை ஜெயிச்ச இந்தியா டீம்க்கு முதல்வர் காசு கொடுக்குற மாதிரி போட்டோ வந்தா கிரிகெட் ரசிகர்கள் ஓட்டு திமுகவுக்கு விழுந்திடும்னு தேர்தல் ஆணையம் தடுத்தாங்க. இப்போ ரஜினிக்கு எந்த நடவைக்கையும் எடுக்காத காரணம் என்ன? இதுதான் ஆரியத்தின் சூழ்ச்சி. என்னடா சாதியம் பேசுகிறானே என நினைக்கவேண்டாம். சாதியம் வேறு ஆரியம் வேறு.

இந்தத் தேர்தலில் சோ சொல்லும் அறிவுரைகளுக்கு அதிக முக்கியத்துவம் கொடுக்கிறார் ஜெயலலிதா என்பது அனைவரும் அறிந்த ரகசியம். திரைமறை அதிமுக பிரச்சாரகரான இவர் ர‌ஜினியை அவரது வீட்டில் சந்தித்துப் பேசியது பரபரப்பை ஏற்படுத்தியிருக்கிறது. இருவரும் தனியாக ஒரு மணிநேரம் பேசியுள்ளனர். சோ வின் துக்ளக் பத்திரிக்கை விழாவில் அவர் பேசிய பேச்சுக்கள் அவர் யாருக்காக எதை மையபடுத்தி பேசினார் அக்கூட்டத்தில் கலந்துகொண்ட அன்பர்கள் யார் என்றெல்லாம் நாம் அறிவோம். அக்கூட்டத்தில் ரஜினிகாந்த் மற்றும் விஜயகாந்த் போன்றோர் ஜெயலலிதாவுடன் இணையவேண்டும் என்று சொன்னார். அது நிறைவேறி இருக்கிறது இதை அரசியல் தந்திரம் என்று வைத்துக்கொள்வோம். ஆனால் உலக நாயகன் கமல் ஓட்டு போடுவதை கண்டுகொள்ளாத மீடியா ரஜினி விசயத்தில் எல்லை மீறியது ஏன்?

தப்பை நான் நேரடியாக தட்டி கேட்பேன் நான் பயப்பட மாட்டேன் என்றெல்லாம் படத்திலும் மேடைகளிலும் வசனம் பேசும் ரஜினி சாருக்கு ஓட்டு போடும்போது மத்தவங்க பாக்க கூடாதுன்னு தெரியாதா? ஓட்டு போட்டு முடித்தவுடன் தனக்கு வழிவிட சொல்லி பத்திரிக்கைகாரர்களை விலக சொல்லி அவர்கள் விலகியவுடன் நடந்து செல்லும் ரஜினிக்கு ஒட்டு போடும்போது சொல்ல தெரியலையா? இல்லை சோ சொல்லி தரலையா? ஆரியம்தான் "சொன்னதை செய்வோம்" என நிருபித்து இருக்கிறது, சபாஷ்!!.

யாருக்கு ஓட்டு போடுறோம் என்பது தெரியகூடாதுன்னுதான் வாக்குபதிவு இயந்திரத்தை மூடிவச்சி இருக்காங்க, தேர்தல் ரிசல்ட் சீக்கிரம் வந்தால் அது மற்ற மாநிலங்களில் வாக்கு பதிவை பாதிக்கும் என மே மாதம் 13 வரை தள்ளி போட்டு இருக்காங்க என்பதெல்லாம் நாம் அறிந்ததே. ஆனால் எல்லாத்தையும் முட்டாளாக்கி சூப்பர் டஸ்ட் ஆகி இருக்கிறார் மிஸ்டர் ரஜினிகாந்த்.

சீனியர் சிட்டிசன் ஆகியும் ஓட்டு போடுற நாகரிகம் தெரியாத ரஜினிக்கு சொல்லணும் இது நீங்க நடிக்கிற ரீல் இல்ல ரியல், தப்பு பண்ணுனா செகண்ட் சாட் எடுக்க முடியாது. எங்கயாவது சாரை பாத்திங்கனா சொல்லிடுங்க ப்ளீஸ்.

மறக்குமா நெஞ்சம்?? என்றைக்கும் மறக்க மாட்டோம்...!!

2011-04-08T05:49:00.000-07:00

அன்பு நண்பர்களே 2 நிமிடம் இதை படித்து விட்டு நீங்கள் உங்கள் வாக்குகள் யாருக்கு என்று நிர்ணயம் செய்யவும். இன்றைக்கு சிறுபான்மை மக்களுக்கு அரணாக இருப்பேன் என ஜெயலலிதா சொல்லுவது "சாத்தான் வேதம் ஓதுவது போல் இருக்கிறது" .

சிறுபான்மை இனமான கிறிஸ்தவ வாக்காளர்களே யோசித்து வாக்களிக்கவும்.

2002 ஆம் ஆண்டு அக்டோபர் திங்கள் முதல் வாரத்தில் கட்டாய மத மாற்றத் தடைச் சட்டத்தை ஜெயலலிதா அரசு கொண்டு வந்ததா? இல்லையா? அதைக் கண்டித்து தமிழகத்திலே உள்ள அனைத்துக் கட்சித் தலைவர்களும் கண்டனம் தெரிவித்தபோது, அவைகளை ஜெயலலிதா உதாசீனப்படுத்தி, சிறு பான்மையின மக்களின் நலன்களையும், உரிமை களையும் பாதிக்கச் செய்தாரா? இல்லையா?

2003 ஆம் ஆண்டு ஜூன் திங்களில் போப்பாண்டவரே கட்டாய மத மாற்றத் தடைச் சட்டத்தை கண்டித்த போது, போப்புக்கு அதற்கான எந்தவிதமானஅதிகாரமும் உரிமையும் கிடையாது என்று ஜெய லலிதா அறிக்கை விடுத்து சிறுபான்மையினரான கிறித்தவர்களின் மனதை நோக அடித்தது உண்டா, இல்லையா?

சட்டப் பேரவையில் 31-10-2002 அன்று ஜெயலலிதா ஆட்சியில் மத மாற்றத் தடைச் சட்ட மசோதா நிறைவேற்றப்பட்டது.

தி.மு.கழக ஆட்சியில்தான் தமிழ்நாடு கட்டாய மத மாற்றத் தடை (நீக்கச்) சட்ட முன் வடிவு 2006 ஆம் ஆண்டு கொண்டு வரப்பட்டு 31-5-2006 அன்று அந்தச் சட்ட முன் வடிவு ஆய்வு செய்யப் பட்டு நிறை வேற்றப்பட்டது

2003ஆம் ஆண்டும் இது போலவே தான் கட்சியின் சார்பில் இஃப்தார் நிகழ்ச் சியை ஏற்பாடு செய்து, அந்தச் சமுதாயத்தைச் சேர்ந்த வர்களுக்கெல்லாம் அழைப்பு அனுப்பி அழைத்து விட்டு, கடைசி நிமிடத்தில் அந்த விழாவிற்கு தான் செல்லாமல் தவிர்த்தார். வீட்டிற்கு விருந்தினர்களையெல்லாம் சாப்பிட வாருங்கள் என்று அழைத்துவிட்டு, அவர் கள் வீட்டிற்கு விருந்துக்கு வரும்போது வீட்டைப் பூட்டி விட்டு செல்பவர்களுக்கும் ஜெயலலிதா விற்கும் வேறுபாடு உண்டா?

23-8-2001 ஆம் நாளன்று சட்டசபையில் திருமாவளவன் “இஸ்லாமியர்களுக்கு இட ஒதுக்கீடு வேண்டும்; அதை நடைமுறைப்படுத்த நான் ஆணையிடுவேன் என்று இஸ்லாமியர்கள் மாநாட்டில் ஜெயலலிதா பேசியது எனக்கு நினைவு இருக்கிறது. ஆகவே, இஸ்லாமியர்களுக்கு இட ஒதுக்கீடு வழங்கப்படுமா?” என்று ஜெயலலிதாவைக் கேட்டபோது, “அப்படிப்பட்ட உத்தரவாதத்தைத் தந்தவர் முன்னாள் முதல்வர் கருணாநிதிதான்; நான் அல்ல” என்று கூறியவர்தான் ஜெயலலிதா. கழக ஆட்சி 2006-ல் பொறுப்பேற்ற பின்புதான், 22-10-2007 ஆம் நாளன்று, தமிழ்நாடு கிறித்தவ பிற்படுத்தப்பட்ட வகுப்பினர் மற்றும் இஸ்லாமிய பிற்படுத்தப்பட்ட வகுப்பினருக்கு தனி இட ஒதுக்கீட்டுச் சட்டம் கொண்டுவரப்பட்டு நிறைவேற்றப்பட்டது.

1992 ல் இஸ்லாமியர்களின் மசூதியை இடிக்க சென்னையில் இருந்து கரசேவகர்களை அனுப்பினார் எனபதற்கு ஜெயலலிதா மீது ஆதாரமான குற்றச்சாட்டு உள்ளது. தமிழகத்தில் இருந்து அயோத்திக்கு மசூதி இடிக்க அனுப்பிய இவர் சென்னை அயோத்தி குப்பத்தில் இருக்கும் மசூதியை இடிக்கமாட்டார் என்பதற்கு என்ன நிச்சயம்?

சிறுபான்மை மக்களின் எதிரியாக கருதப்பட்டு, பல இஸ்லாமியர்களின் சாவுக்கு காரணமான திரு. நரேந்திர மோடி அவர்கள் அமெரிக்க அரசால் மனிதநேயமற்ற காட்டு மிராண்டியாக கருதப்பட்டு தன் நாட்டுக்குள் வர தடை விதித்துள்ள நிலையில், குஜராத்திலிருந்து சென்னை வரும்போதெல்லாம் அன்பு சகோதிரி ஜெயலலிதாவை பார்க்காமல் செல்லமாட்டார். (உன் நண்பன் யார் என்று சொல் நீ யாரென்று - இது பழமொழி)

இந்த பெண்மணியை பற்றி அவர்களுடைய அரசியல் சாணக்கியர் சோ (பழைய காமடி பீஸ்) சொல்லும்போது ஜெயலலிதாவிடம் நான் ஆண் குனங்களைத்தான் காணுகிறேன். நல்லா யோசிச்சி பாருங்க இப்படி பட்ட சர்வாதிகாரி ஆட்சிக்கு வந்தால் இஸ்லாமியர்கள்,கிறிஸ்துவர்கள் மற்றும் தலித் மக்களின் நிலை என்ன?

காஞ்சி சங்கராச்சாரியார்களைக் கைது செய்த ஜெயலலிதா பொய் வழக்கில் கிறிஸ்தவ இஸ்லாமிய மற்றும் தலித் சாமியார்களை கைது செய்வது எம்மாத்திரம்?

ரேஷன் கார்டுகளில் H முத்திரை ரூ. 5,000 மாத வருமானம் உள்ள குடும்பத்தினரின் ரேசன் அட்டைகளில் இந்த முத்திரையைக் குத்திய ADMK அரசு,அவர்களுக்கு ரேசனில் எந்தப் பொருளும் தரப்படாது என்று அறிவித்தது.

தேர்தலில் போட்டியிடவே தகுதியில்லாதவர், முதல்வராகவும் இருக்கத் தகுதி இல்லை, எனவே அவர் முதல்வராக இருந்த நான்கு மாத காலங்களும் செல்லாதுNull and Invaஎன 21, செப்டம்பர் 2001 அன்று உச்சநீதிமன்றம் தீர்ப்பு வழங்கியது.

ஆடிய பேயாட்டத்தில் மக்கள் பட்ட துன்பம் ஒன்றா, இரண்டா?

1. எஸ்மா, டெஸ்மா சட்டத்தைப் பயன்படுத்தி, 1,70,000 அரசு ஊழியர்கள் மற்றும் ஆசிரியர்க்ளை வேலை நீக்கம் செய்தது. பெண்கள் என்றும் பாராமல் நடு இரவில் அவர்களை வீடு தேடிச் சென்று கைது செய்து சிறையில் அடைத்தது.

2. திமுக ஆட்சியில் நியமிக்கப்பட்ட ஒரே காரணத்துக்காக, 10 ஆயிரத்திற்கும் மேற்பட்ட சாலைப் பணியாளர்கள் பணி நீக்கம் செய்யப்பட்டது

3. பல வண்ணங்களில் குட்ம்ப அட்டைRati வழங்கியும், H முத்திரை குத்தியும் மக்களைப் பாடாய்ப்படுத்தியது.

4. கட்டாய மதமாற்றத் தடுப்பு சட்டம்

5. பேருந்து கட்டணங்களை உயர்த்தியது.

6. பத்திரிகை ஆசிரியர்களை கைது செய்து சிறையில் தள்ளியது.

அவரது பேயாட்டம் 2004 பாராளுமன்ற தேர்தல் முடிவு வரும் வரை தொடர்ந்தது.

2003 ல், காலம் காலமாக நடைபெற்று வந்த கிறிஸ்தவ கூட்டங்கள் மற்றும் பெருவிழாக்கள் நடக்கும் சீரணி அரங்கத்தை இடித்து தரைமட்டமாகியது புண்ணியவதி ஜெயலலிதாவின் ஆட்சி. ''ரமலான் பக்ரீத் பெருநாட்களின் போது சிறப்பு தொழுகைகள் மெரீனா கடற்கரையில்தான் காலம்காலமாக நடந்துக்கொண்டிருந்தது. அதை தடுத்துவிட்டார்கள்.

சீரணி அரங்கத்தை இடித்த ஜெயலிதாவிற்கு, செயின்ட் ஜார்ஜ் ஆங்கிலோ இந்தியன் பள்ளி வளாகத்தில் கூட்டம் நடத்தக்கூடாது என சட்டம் போட தெரியாதா என்ன?

கருணாநிதியின் ஆட்சி கொடுங்கோல் சர்வாதிகாரி ஆட்சி என ஜெயலலிதா சொல்லுகிறார்(எப்படி எப்படி !!) சில நேரங்களில் ஜெயலிதா காமெடி பண்ணுவார். சர்வாதிகாரம் என்பதற்கு தமிழ் அகராதியில் ஜெயலிதாவின் பெயரை பதிக்க வேண்டும்.

சென்னை அரசினர் தோட்ட வளாகத்தில் 425 கோடி ரூபாய் செலவில் புதிய சட்டசபை கட்டப்பட்டு இருக்கிறது. இந்த அம்மா ஜெயிச்சா( ஐயோ சும்மா ஒரு பேச்சுக்கு சொன்னேங்க!!) அங்க போக மாட்டாங்களாம். செயின்ட் ஜார்ஜ் கோட்டைக்கு போவாங்களாம்(எப்புடி?). இது (sorry இந்த அம்மா) சர்வதிகாரத்தை பத்தி பேசுது.

கிறிஸ்தவர்கள் அழுதபோது நம்மோடு தோள்கொடுத்து நின்றவர் கலைஞர் கருணாநிதி என்பதை பைபிள் தூக்கும் கிறிஸ்தவர்கள் யாரும் மறந்து போக மாட்டார்கள்.

ஜெயலலிதாவின் கூற்றினை யார் நம்புகிறார்களோ, இல்லையோ, சிறுபான்மை சமுதாயத்தினர் நிச்சயமாக நம்ப மாட்டார்கள் என்பது மட்டும் உறுதி

“என் நாமத்துக்குப் பயந்திருக்கிற உங்கள்மேல் நீதியின் சூரியன் உதிக்கும்; அதின் செட்டைகளின்கீழ் ஆரோக்கியம் இருக்கும்; நீங்கள் வெளியே புறப்பட்டுப்போய், கொழுத்த கன்றுகளைப்போல வளருவீர்கள்.” - மல்கியா 4:2

” இது சிந்திக்கும் காலம் செயல்படும் நேரம்!! மௌனமாயிருக்காதே.

கண்ணுக்கு முன்னாடி நடந்த விபரீத கொடுமை

2011-04-04T20:56:00.000-07:00

கொஞ்சம் பெரியவங்க மட்டும் படிங்க ப்ளீஸ்

ரெண்டு வாரத்துக்கு முன்னாடி ரெட்டை ஏரி வழியா போய்கிட்டு இருக்குறப்போ பார்த்த காட்சி. மீசை வச்ச முகம் குள்ளமான உயரம் ஆண்களுக்கான உடலமைப்பு கரகரத குரல் இதென்ன வித்தியாசமான கோலம் அது வேற யாரும் இல்லைங்க ஒம்போது னு சொல்லற அரவானிங்க. ஒரு லாரி டிரைவர் ஒருத்தன் அதுகிட்ட சண்டை போட்டுகிட்டு இருந்தான் கொஞ்சம் வண்டியை நிறுத்திட்டு கவனிச்சேன்.அசிங்க அசிங்கமா ரெண்டு பேரும் பேசி திட்டிகினாங்க.

அவங்க ரெண்டு பேரும் பேசுன உரையாடலை அப்படியே எழுதி இருக்கேன் படிங்க

டேய் எச்ச பாடு இன்னும் 50 ரூபா தாடா காசு தராம இங்க இருந்து எப்படி போவணு பாக்கலாம் னு அரவாணி சொல்ல. போடி தேவடியா முண்ட உன்னோட முகத்துக்கு இதுவே அதிகம் இதுலே எக்ஸ்ட்ரா வேற வேணுமா உன்ன போலீஸ் ல புடிச்சி குடுத்துடுவேன்னு டிரைவர் சொல்ல வாக்குவாதம் சூடு பிடிச்சிது.

டேய் பொட்ட இது பண்ணுறதுக்கு முன்னாடி தெரிஞ்சி இருக்கணும் எல்லாம் முடிச்சிட்டு இப்போ போலீஸ் ல புடிச்சி குடிதுடுவாரமேனு சொல்ல. நீ என்ன பொம்பளையா கேட்ட காச குடுக்குறதுக்கு ஒம்போது தானே ரொம்ப பேசுன வெட்டிடுவேன்னு சொல்ல அங்க கூட்டம் கூடிவிட்டது. கூடத்தில் ஒருவானாக நானும் பாத்துகிட்டு இருந்தேன். நான் பொட்டைனு தெரிஞ்சுதான என்கிட்டே வந்த பொறம்போக்குன்னு அவனை அடிக்க போனது அரவாணி. மேல கைய வைக்கிற வேலையெல்லாம் வச்ச உன்னை கொன்னுடுவேன்னு டிரைவர் சொல்ல.

ரோட்டல சண்டை போடாம கொடுக்குறத வாங்கினு போவியா ரோட்டல அசிங்கம் பண்ணிகினு இருக்கியே னு ஒரு வெள்ளை சட்டை போட்ட பெரிய மனுஷன் சொல்ல. ரெண்டுபேரையும் போலீஸ் டேசன் கூட்டிட்டு போங்கனு இன்னொருத்தர் சொல்ல. எதுக்கு சார் ரெண்டு போரையும் கூட்டிகிட்டு போகணும் இந்த பொட்டை தேவடியாள புடிச்சி குடுக்கணும் இவளுங்க கூட்டமே இதுக்குதான் அலையுது. எங்கயாவது கண்ணுக்கு மறைவா இருந்த கூட்டம் இப்போ ரொம்பவே ஆடுதுங்க.

தனக்கு எதிராக கூட்டம் கூடுவதை அறிந்த அரவாணி தன்னுடைய குரலையும் வார்த்தைகளின் அசிங்கத்தையும் அதிகமாக உயர்த்தியது. எவனவாது ரொம்ப பேசினிங்க மகனே தூக்கிட்டு நின்னுடுவேன். அவசரத்துக்கு அலைஞ்சிட்டு எங்ககிட்ட வருவானுங்க அப்புறம் முடிஞ்சதும் வேலைய காடுவானுங்க. பேசிக்கொண்டிருக்கும் போதே அவளை அடித்தான் அவளிடம் சண்டை போட்ட லாரி டிரைவர். கோபமடைந்த அரவாணி அவனை கிழே தள்ளி விட்டு அவன் மீது இசை துப்பினாள்.

அவ்வளவுதான் அடிப்பட்ட அந்த தியாகியை ஆதரித்து பல ஆம்பிளை சிங்கங்கள் அந்த அரவாணியை தாக்கினர், ஒரு பொட்டை பல ஆம்பிளை சிங்கங்கள் தாக்கிகொண்டிருந்தனர். சில நொடிகளில் அந்த அரவாணி நிலை குலைந்தது. கண் சிவப்பாகி வாயெல்லாம் ரத்தம் முகமெல்லாம் வீக்கம். பார்கவே பரிதாபமான நிலைமை.

வேடிக்கை பார்த்துக்கொண்டிருந்த பல பேருக்கு(என்னையும் சேர்த்து) நடப்பது அநியாயம் என்று தெரிந்தும் பேசமுடியாமல் பார்த்துகொண்டிருந்தனர். ஒரே ஒரு பெரியவர் மட்டும் அந்த அரவாணியை பார்த்து நீ போய்டு இங்க இருந்தா அடிச்சி கொனுடுவாங்கனு சொன்னார். வாங்கின அடியில் நடக்க முடியால் நொண்டின அந்த அரவாணிக்கு ஆட்டோ புடிச்சி கொடுத்தார் ஒரு ஜென்டில் மேன். அது நான் தான். இவ்ளோ நேரம் அமைதியா இருந்ததுக்கு பிராயசித்தம் தேடிக்கொண்டேன்.

தமிழ்நாட்டில் அரவாணிகள் நலவாரியம் என்று ஒன்று இருக்கும்போதே இப்படிஎல்லாம் கொடுமைகள் அரவாணிகளுக்கு நடக்கிறதே என நினைத்து வேதனை பட்டேன் ஆனால் கண்ணுக்கு முன்பாக நடந்த அக்கிரமத்தை பார்த்து ஒரு ஆண்மகனாக அதை தட்டி கேக்க முடியாத கோழையாக இருக்கிறேனே என வெக்கப்பட்டேன்.

கூட்டம் கலைந்த பிறகு என் பைக்கில் வந்து கொண்டிருந்தபோது பைபிளில் ஒரு சம்பவம் நினைவுக்கு வந்தது. இயேசு கிறிஸ்துவிடம் விபச்சாரம் செய்த பெண்ணை கொண்டுவந்து நிறுத்தி இவள் சட்டப்படி கல்லெறிந்து கொல்லப்படவேண்டும் நீர் என்ன சொல்லுகிறீர் என்று சில பெரிய மனுசங்க கேட்டாங்க.

அதற்கு இயேசு கிறிஸ்து உங்களில் பாவம் செய்யாதவன் முதலில் இந்த பெண்ணின் மீது கல்லெறியட்டும் மற்றவர்கள் பின்பு எறியுங்கள் என்றார் ஆனால் ஒருவரும் கல் எரியாமல் போய்விட்டார்கள். இயேசு கிறிஸ்து அந்தபெண்ணை பார்த்து சொன்னார் நீ போ இனி பாவம் செய்யாதே என்றார்.

நான் என்ன சொல்ல வரேன்னு உங்களுக்கு புரியும்னு நினச்சி இதை முடிச்சிக்குறேன். நன்றி

கண்ணதாசன் கவிதை - படித்ததில் பிடித்தது

2011-03-09T00:29:00.000-08:00

காட்டுக்கு ராஜா, சிங்கம், கவிதைக்கு ராஜா, கண்ணதாசன்!’ பெருந்தலைவர் காமராஜரின் வாக்கு இது. கண்ணதாசன் எழுதிய ஒரு கவிதை இதோ:

பிறப்பின் வருவது யாதெனக் கேட்டேன்
பிறந்து பாரென இறைவன் பணித்தான்!

படிப்பெனச் சொல்வது யாதெனக் கேட்டேன்
படித்துப் பாரென இறைவன் பணித்தான்!

அறிவெனச் சொல்வது யாதெனக் கேட்டேன்
அறிந்து பாரென இறைவன் பணித்தான்!

அன்பெனப் படுவது என்னெனக் கேட்டேன்
அளித்துப் பாரென இறைவன் பணித்தான்!

பாசம் என்பது யாதெனக் கேட்டேன்
பகிர்ந்து பாரென இறைவன் பணித்தான்!

மனையாள் சுகமெனில் யாதெனக் கேட்டேன்
மணந்து பாரென இறைவன் பணித்தான்!

பிள்ளை என்பது யாதெனக் கேட்டேன்
பெற்றுப் பாரென இறைவன் பணித்தான்!

முதுமை என்பது யாதெனக் கேட்டேன்
முதிர்ந்து பாரென இறைவன் பணித்தான்!

வறுமை என்பது என்னெனக் கேட்டேன்
வாடிப் பாரென இறைவன் பணித்தான்!

இறப்பின் பின்னது ஏதெனக் கேட்டேன்
இறந்து பாரென இறைவன் பணித்தான்!

அனுபவித்தேதான் அறிவது வாழ்க்கையெனில்
ஆண்டவனே நீ ஏன்' எனக் கேட்டேன்!

ஆண்டவன் சற்றே அருகு நெருங்கி
அனுபவம் என்பதே நான்தான்' என்றான்

நன்றி சொல்ல வார்த்தைகளை தேடுகிறேன்

2009-02-01T21:40:00.000-08:00

என் இனிய தமிழா!
தமிழ் தாய் ஈன்றெடுத்த முத்து குமரா!
தமிழர்களின் நண்பா- உன் தியாகத்திற்கு
இந்த பாமரன் எழுதும் வெண்பா.

தமிழ் ஈழம் வரும் வரை அல்ல
தமிழ் இனம் வாழும் வரை
நீ வாழ்ந்துக்கொண்டிருப்பாய்
கல்லறையில் அல்ல, எங்கள் கருவறையில்.

எங்கடா போனாய்? - நாம்
தமிழ் ஈழத்தை காணும் முன்பு
நீ முத்து பயலாடா
புதைந்து கிடந்தாலும் புதையலாகவே இருக்கிறாய்!!

தமிழ்

2009-01-09T01:47:00.000-08:00

தமிழுக்கும் அமுதென்று பேர் - அந்தத்
தமிழ் இன்பத் தமிழ் எங்கள் உயிருக்கு நேர்
தமிழுக்கு நிலவென்று பேர்! - இன்பத்
தமிழ் எங்கள் சமுகத்தின் விளைவுக்கு நீர்
தமிழுக்கு மணமென்று பேர்! - இன்பத்
தமிழ் எங்கள் வாழ்வுக்கு நிருமித்த உர
தமிழுக்கு மதுவென்று பேர்! - இன்பத்
தமிழ் எங்கள் உரிமைச்செம் பயிருக்கு வேர்!

தமிழ் எங்கள் இளமைக்குப் பால் - இன்பத்
தமிழ் நல்ல புகழ்மிக்க புலவர்க்கு வேல்
தமிழ் எங்கள் உயர்வுக்கு வான்! - இன்பத்
தமிழ் எங்கள் அசதிக்குச் சுடர்தந்த தேன்
தமிழ் எங்கள் அறிவுக்குத் தோள்! - இன்பத்
தமிழ் எங்கள் கவிதைக்கு வயிரத்தின் வாள்
தமிழ் எங்கள் பிறவிக்குத் தாய்! - இன்பத்
தமிழ் எங்கள் வளமிக்க உளமுற்ற தீ!

கண்ணீர் பொங்கும் விடுதலைப் பொங்கல்!

2009-01-08T20:41:00.000-08:00

கண்களில் கண்ணீர் கசிந்து பொங்க,
கோபத்தில் தீயாய் விளாசிப் பொங்க,
பொங்கிய நினைவுகள் மனதிற் பொங்க,
பொங்கலென்ன பொங்கல்? தமிழருக்குப் பொங்கல்?
பொங்குக! பொங்குக! புயலாகப் பொங்குக!

சங்கமமைத்துத் தமிழ் வளர்த்ததெங்களினம்
கறையான் புற்றெடுக்க பாம்பதுபோல், சிங்களவன்
எங்கள் மண்ணினை ஆர்ப்பரித்து நிற்கையிலே
பொங்கலென்ன பொங்கல்? எங்களுக்குப் பொங்கல்?

மூன்று சகாப்தத்தின் முன் பொங்கியது போலவே,
பொங்கிக் கதிரவனுக்குக் காணிக்கை தர ஆவல்,
அப்படியொரு சந்தர்ப்பம் மீண்டும் வரும்வரை
பொங்கலென்ன பொங்கல்? தமிழருக்குப் பொங்கல்?

இயற்கையாய் மாறிடும் காலத்தை ஏற்கலாம்
செயற்கையாய் மாற்றினால் யாரதை ஏற்கலாம்?
பயமூட்டித் தமிழரை அடக்கமுயல் பாவியர்
பழிஏற்று அவர்காலைத் தமிழீழம் நக்குமா?

பொங்குக! பொங்குக! புயலாகப் பொங்குக!
எங்கணும் மங்களம் சுதந்திரம் என்குக!
எங்களின் தேசமெம் கரம் சேர்ந்து மகிழவே
பொங்குக! பொங்குக! தைப்பொங்கல் பொங்குக!

மக்களின் ஆட்சி என்பதன் அர்த்தம் எதுவென உணர்த்திடல் வேண்டும்
மக்களின் உண்மைச் சுதந்திரம் மீண்டும் தமிழ்மண் மலர்ந்திட வேண்டும் திக்கெல்லாம் நிறை தமிழினம் கூடி அதைக்கொண் டாடிட வேண்டும் அக்கதை தமிழரின் சரித்திர நூலில் தங்கத்தில் பதித்திட வேண்டும்!

பொங்கிக் கொண்டிருப்பது விடுதலைப் பொங்கல்
பொங்கப் போவது சுதந்திரப் பொங்கல்!!
தொடங்கும் ஆனந்த கண்ணீர் பொங்கல்!!!

புத்தம் தவறிய இலங்கை பௌத்தர்கள்

2009-01-02T22:53:00.000-08:00

பௌத்த மதம் தேசிய மதமாக பின்பற்றுகிற நாடுகளில் ஒன்றுதான் இலங்கை. இந்நாட்டில் பௌத்தம் பரவியதற்கு காரணமாய் இருந்தவர் அசோக மன்னர் இவருடைய ஆட்சிக்காலம் கிமு 273 முதல் கிமு 232 வரை ஆகும். கலிங்கத்துப் போரை வென்றபின் போரை வெறுத்து புத்த மதத்தை தழுவினார்.புத்த மதத்தை ஆசியாவெங்கும் பரவச் செய்ய முயற்சிகள் மேற்கொண்டார்.
இப்படி போரை வெறுத்து புத்தம் ஏற்றுக்கொண்ட அசோகரின் முயற்சி இப்படி வீணாய் போனதே. மற்றவர்கள் படும் துன்பத்தை, இன்னலை காண முடியாமல் துறவறம் பூண்ட புத்தரை பின்பற்றும் இந்த சிங்களர்களுக்கு கொலைவெரிதனமான எண்ணம். தமிழர்களை கொன்று குவிக்கும் சிங்கள இராணுவம். இதையெல்லாம் தட்டி கேட்க்காமல் என்ன செய்துக்கொண்டிருக்கிறார்கள் புத்த பிட்சுக்கள் என்பதுதான் வேதனை.
புத்தர்க்கு கூட தமிழரை பிடிக்காதா என்ன?

எங்கே போகும் இந்த பாதை?

2008-11-13T17:58:00.000-08:00

குழந்தைகள் தின விழா நவ 14 இந்த வருடம் குழந்தைகள் தின விழா கொண்டும் பொழுது நம் சமுதாயத்தை ஒரு கணம் திரும்பி பார்த்தல் நம் குழந்தைகள் எந்த பாதையை நோக்கி போய் கொண்டிருக்கின்றது என்பதை அறியலாம். வன்முறை கலாச்சாரம் பெருகிகொண்டேயிருக்கிறது எனவும் அறியலாம். இது எங்கிருந்து வருகின்றது என்பதை தேடி அறிவது கஷ்டமாகத்தான் உள்ளது.
குழந்தைகள் வளருகின்ற ஓவவொரு கட்டத்திலும் வன்முறையை பார்த்துதான் வளர்கிறார்கள். வீட்டில் சண்டை, தெருவில் சண்டை, ஜாதி சண்டை,மத சண்டை,மற்றும் கட்சி சண்டை என்றும் கார்டூன் படம் தொடங்கி சினிமா படம் வரை வன்முறைதான் நிரம்பி வழிகிறது. அதை பெற்றோர்கள் முதல் நாட்டு தலைவர்கள் வரை யாரும் கண்டுகொள்வதே இல்லை. இதனால் மிகவும் பாதிப்புக்குள்ளாவது இளைய சமுதாயம்தான். இதனுடைய வெளிப்பாடுதான் நவ 12,2008. சென்னை Dr.அம்பேத்கர் சட்ட கல்லூரி மாணவர்கள் நடத்திய வன்முறை வெளிப்பாடு. எங்கிருந்து வந்தது இந்த ஜாதி வெறி இந்த வயதில், கல்லுரிக்குள் கத்தி கலாசாரம். ஒழுக்கத்தை சொல்லிகொடுக்கும் பாடசாலைகளில் வன்முறை கலாச்சாரம். கல்லூரி முதல்வர்தான் காரணம் என்று மாணவர்களின் குற்றச்சாட்டு. " இன்றைய குழந்தைகள் நாளைய தலைவர்கள்" என்ற நிலை மாறி நாளைய தீவிரவாதிகளை மாறி வருகின்றனர். நாளுக்கு நாள் குற்றங்களும் குற்றவாளிகளும் அதிகரித்து கொண்டேதான் இருக்கின்றது. ஆகவே இதை சிந்திக்கும்போது ஒருவேளை நம் இளைய சமுதாயம் தடம் புரண்டு ஓடிகொண்டிருகிறதோ? என்ற பயம் கவ்வி பிடிக்கிறது. இதேர்க்கெல்லாம் சமுதாயத்தையும். சுற்று சூழலையும் குறை சொல்லாமல் நம் பிள்ளைகளின் எதிர் காலம் வளமை பெற்றிட உருவாக்குவோம் ஒரு புதிய இளைய சமுதாயம். இந்த குழந்தைகள் தினவிழாவை. அர்த்தமுள்ள சீர்திருத்த நாளாக அனுசரிபோம். மீண்டும் பழைய நேரு மாமா கதைகளை சொல்லி நேர்ரத்தை வீணாக்காமல், வாழ்க்கையின் அடிப்படை தத்துவங்களை சொல்லி தந்து கொண்டாடுவோம். இன்று அம்பேத்கர், முத்துராமலிங்க தேவரை வைத்து சண்டை போட்டவங்க . நேரு மாமா எங்களுக்கு தாய் மாமா என்றும் எங்கள் ஜாதியை சேர்ந்தவர் என்றும் சொல்லாதிருக்கட்டும். நாளை விடியல் புதிய விடியலாய் இருக்கட்டும்.

உணவு கொடுத்த கலைஞர் ஐயா

2008-11-08T04:22:00.000-08:00

இந்த (2008) ஆம் வருடம் ஈழ தமிழர்களின் நலன் பற்றி தமிழகம் அதிக அக்கறை கொண்ட வருடம். எல்லா பெரும்பாலான கட்சிகள் இதில் மிக கவனம் எடுத்துகொண்டது. தற்போதைய முதல்வர் தமிழின தலைவர் கலைஞர் கருணாநிதி அய்யா இதில் அதிகமாய் பொறுப்பெடுத்து பணம் திரட்டி உணவு பொருள்களை அனுப்பி வைத்திருக்கிறார். இது மிக பெரிய சாதனை. இதற்க்காகவே அவருக்கு அடுத்த முறை ஓட்டு போடலாம் போல இருக்கு. என்னை போன்ற பாமரனின் ஏக்கமெல்லாம் உணவு வாங்கிகொடுத்த கலைஞர் அய்யா அப்படியே உரிமையும் வாங்கி கொடுங்க. உரிமை என்பதை விலை கொடுத்து வாங்க முடியாதுதான் ஆனால் உங்களுடைய முயற்சியால் நிச்சயம் வாங்கி தர முடயும். உங்கள் தாமதத்தின் அர்த்தம் என்ன? புரிந்துகொள்ள முடியாத பாமரன் நான்.உணவு வாங்கி கொடுதிங்கலே உரிமையும் நீங்க தானே வாங்கித்தரனும்.

மனிதநேயம் கொண்ட கமல்

2008-11-05T21:42:00.000-08:00

நவ. 7 கமலின் பிறந்தநாள். கமல் ரசிகர்களுக்கு இந்நாள் திருவிழா. இந்த முறை சின்ன மாற்றம். ஈழத்தமிழரின் நலனுக்காக கொடைகொடுத்த வள்ளல்களின் மத்தியில் தனித்து நிற்பவர் நம் உள்ளங்களின்(உலக) நாயகன் பதமஸ்ரீ கமலஹாசன், ஈழத்தில் தமிழர்கள் இறந்து கொண்டிருக்கும் நிலையில் எனது பிறந்தநாளை கொண்டாட வேண்டாம் என்று கமல் கேட்டுக் கொண்டுள்ளார். ஈழத்தில் நடந்துவரும் போரினால் உயிரை பலரும், பிறந்த நாட்டையே பலரும் இழந்துவரும் இவ்வேளையில், தனி ஒரு மனிதன் பிறப்பு கொண்டாடப்படும் தகுதியை இழக்கிறது.இதன் முடிவு என்னவாக இருக்கும் என யூகிக்கும் அரசியல்
சாதுர்யம் எனக்கில்லை. நான் நிஜமாகவே சாதாரணன்.
மனித சோகங்கள் என்னை வெகுவாக பாதிக்கின்றன.இந்தச் சோகச் சூழலுக்கு முடிவு சொல்லும் ஞானமில்லாவிடினும், அடுத்த வீட்டில் அடுத்தடுத்து இழவுக் கூட்டங்கள் நடக்கும் இவ்வேளையில், நம் வீட்டில் குதூகல கொண்டாட்டங்கள் நடப்பது மனிதநேயம் சார்ந்த செயலாக இராது.
வழக்கமாக நான் பிறந்ததை கொண்டாடும் இத்தினத்தை, நான் போற்றும் மொழியை பேசிய ஒரே குற்றத்திற்காக மட்டுமே, இறந்து கொண்டிருக்கும் சாமானியருக்கு அனுதாபம் தெரிவிக்கும் நாளாக செலவிடுங்கள். இறந்தவருக்கு இரங்கல் தெரிவிக்கும் நாளாகச் செலவிடுங்கள்.
நான் கமலின் ரசிகனும் அல்ல சினிமா விமர்சகனும் அல்ல. மனிதனை மனிதனாய் பார்க்கும் சாதாரண பாமரன். இப்படி ஈழத்தமிழரின் துன்பதிற்காய் தன் இன்பத்தை மறந்த நம் வீர தமிழனுக்கு இந்த பாமரனின் வாழ்த்துக்கள்.

தவளை ஆண்டா? தமிழர் ஆண்டா?

2008-11-05T18:20:00.000-08:00

தவளை இனம் அழிந்து வரும் ஆபத்து: 2008-ஐ தவளைகள் ஆண்டாக சர்வதேச அமைப்புகள் அறிவிப்பு. தவளைகளை இனி புத்தகங்களில் தான் பார்க்க முடியும் என்ற செய்தி நமக்கு அதிர்ச்சியைத் தரலாம்.
தவளை இனம் வெகுவாக அழிந்து வருவதைத் தடுக்க சர்வதேச அமைப்புகளான நெதர்லாந்தில் உள்ள “வேல்டு அசோசியேசன் ஆப் சூஸ் அன்ட் அக்குவேரியம்ஸ்’ (WAZA), வேல்டு கன்சர்வேஷன் யூனியன் (WCU),ஸ்பீசியஸ் சர்வைவல் கமிஷன்(SSC), அமெரிக்காவில் உள்ள கன்சர்வேஷன் பிரீடிங் குரூப் (CBGA) உள்ளிட்ட அமைப்புகள் இது பற்றிய விழிப்புணர்வு நடவடிக்கைகளில் ஈடுபட்டு வருகின்றன.
தவளைகளை வேண்டுமானால் புத்தகத்தில் பார்த்துகொள்ளலாம். ஆயிர கணக்கான ஈழ தமிழ் மக்கள் படுகொலை செய்யபடுகிறார்கள் அடித்து அகதிகளாக அண்டை நாடுகளுக்கு விரட்டபடுகிறார்கள். இதை பற்றி எந்த சர்வதேச அமைப்புகள் கவலைபடுகிறது. இன்னல்படுகிற மக்களுக்கு உணவும் பணமும் தந்தால் போதுமா? நிம்மதியான வாழ்க்கைக்கு யார் வழி செய்வது? தவளைக்கு கவலைப்படும் நம் சமுதாயம் ஏன் தமிழர்களுக்கு கவலை படமாட்டேங்கிறது? சரி தமிழனை பற்றி இன்னொரு தமிழனே கவலைபடாதபோது சர்வதேச சங்கங்களுக்கு என்ன வந்தது?ஆனால் தவளைக்கு இருக்கும் சர்வதேச மரியாதையை கூட என் இன மக்களுக்கு இல்லை என்பதே வருத்தம்.ஈழத்தில் தமிழர்கள் வாழ்ந்தார்கள் என்பதை பாடத்தில் படித்துதான் தெரிய வேண்டிய காலம் வந்துவிடுமோ என்ற பயமும் நம்மை ஆட்கொள்ளதான் செய்கிறது. காலம் தான் பதில் சொல்லும். நாம் சொல்ல வைப்போம்.

ஊனம் மனதிலா? மனிதரிலா?

2008-11-04T03:19:00.000-08:00

அரவாணிகள் நலவாரியம் உருவாகிவிட்ட போதிலும் இன்னும் அரவாணி சகோதரிகளின் நலன் பேனபடுகிறதா எனபது கேள்வி குறியாகவே உள்ளது. இச்சுழலில் என்னை வெகுவாய் பாதித்த விஷயம் "அரவாணி சகோதரிகளை ஊனமுற்றோர் பட்டியலில் சேர்த்து சலுகை வழங்க வேண்டுமாம்". வியத்தகு கொடுமை. ஊனமில்லாது, சகமனிதரை போன்று வாழுகின்ற ஒருவரை எப்படி ஊனம் என்று சொல்ல முடியும்.

ஊனம் என்பது, மற்றவர்களுடன் ஒப்பிடும்போது இயலாத்தன்மை இருப்பதைக் குறிக்கும். இது, உடற் குறைபாடு, புலன் குறைபாடு, அறிதிறன் அல்லது அறிவுத்திறன் குறைபாடு, உளவியல் குறைபாடு, பிற நோய்கள் தொடர்பான குறைபாடு என்பவை தொடர்புடையதாக இருக்கலாம். ஊனம் ஒருவருடைய வாழ்க்கைக் காலத்தில் ஏற்படலாம் அல்லது பிறப்பிலேயே இருக்கலாம்.மேற்கண்ட எந்த குறைபாடும் இல்லாத ஒருவரை இப்படி ஊனம் என்று சொல்ல முடியும். சலுகைகள் வேண்டுமென்றால் பிற்படுத்தப்பட்ட பட்டியலில் சேர்க்க சொல்லலாமே தவிர ஊனமுற்றவர் பட்டியலில் சேர்க்க சொல்ல்வது என்பது சமுதாய ஊனத்தையே சுட்டி காட்டுகிறது.

அரவாணி சகோதரிகளை பார்த்தாலே ஏதோ பாலியல் குறைபாடு உள்ளவர்களாகவே நாம் நினைக்கிறோம். நான்கு கால்களோடு பிறக்க வேண்டிய மிருகம் ஐந்து கால்களோடு பிறந்தால் அது அதிசயம், செய்தி ஊடகங்கள் அதை பெருமையாய் வெளிக்காட்டுகின்றன. ஆனால் ஒரு ஆணாக பிறந்த ஒருவர் மாற்று பாலின பெண்ணாக மாறுவதை ஏற்க மறுக்கிறது. என்ன கொடுமை.

டயோனசர் என்ற பார்க்காத மிருகத்தை பற்றி ஆரய்ந்து அதன் எலும்புகளை, முட்டைகளை பாதுகாக்கும் இந்த உலகம், கண்ணனுக்கு முன் இருக்கும் இந்த மக்களை பற்றி எண்ணாமல் இருப்பது விந்தையே. இந்திய தேசத்து நலனுக்காக ஒரு காந்தி இருந்தார். மிருகங்களின் நலுனுக்காக ஒரு மேனகா காந்தி, இப்படி மிருகங்களை விட மோசமாய் மதிக்கப்டும் இம்மக்களுக்கு எந்த காந்தி வருவார்.

"மனதில் ஊனம் இல்லாத யாரும் தானும் வாழ்ந்து மற்றவர்களையும் வாழவைக்க முடியும்" இவங்க ஊனம் இல்லை, இவங்களை ஊனமாய் பார்க்கிற சமுதாயம் தான் ஊனம். ஆனால் அது நீங்க இல்லை.

மதம் தாண்டி மனிதம் வளர்ப்போம்

2008-10-31T08:05:00.000-07:00

இந்த உலகத்தில் மிக அதிகமான மக்களை கொண்ட மதமாக கிறிஸ்தவமதம் இருக்கிறது எனலாம். இச்சமயத்தின் கடவுளான இயேசு கிறிஸ்து எருசலேம் நகரங்களில் ஊழியம் செய்து கொண்டிருந்தபோது ஒரு பணக்கார இளைஞன் அவரிடம் வந்து நான் மோட்சம் செல்ல என்ன செய்ய வேண்டும் என்றான். அதற்கு இயேசு அவனிடம் "நீ பொய் உன் ஆஸ்திகளை விற்று ஏழைகளுக்கு கொடு" என்றார்.

அன்பர்களே இதிலிருந்து நாம் அறிய வரும் கருத்து என்னவென்றால், இயேசு கிறிஸ்து மதத்தை விட மனிதத்தை போதித்தார். இன்று அவருடைய கருத்துக்கள் உலகமெங்கும் ஏற்று கொள்ளபடுகின்றது.

அன்னை திரேசா மதத்தை போதிக்காமல் மனிதத்தை வளர்த்தால்தான் எல்லாராலும் போற்றபடுகிறார். மனிதம் எனபது நம்மை போல பிறரை நேசிப்பதுதான். கண்முன் கஷ்டபடுகிற மனிதனுக்கு கொடுக்காமல், காணாத மகேஷனுக்கு உண்டியலிலும், காணிக்கை பைகளிலும் கொட்டுவது முட்டாள்தனமான செயல் என்றே சொல்வேன். நம் இந்திய தேசத்திற்கு இருக்கின்ற எண்ணிகையில் அடங்காத மதங்கள் போதும். தேவையானதெல்லாம் வீட்டுக்கு ஒரு மரமும், மனிதமும் தான்மரம் வளர்ப்போம்! மனிதம் வளர்ப்போம் !!